[Argazki galeria eta bideoa] Madalenetako kukañan, denak irabazle

Madalenetako kukañan ez zen irabazlerik izan. Baina parte hartzaile guztiek adora azaldu zuten, eguraldiak ez zuelako batere lagundu oreka jokoan.

Urko Etxebeste Petrirena

Errenteria-Orereta

2015/07/23

Partaide bat, eguraldiarekin eta enbor irristakorrarekin borrokan

Euria erruz ari zuen, baina egin zen. Madalenetako III. Kukaña aurrera atera zuten atzo Euskal Guneko kideek, nola gainera: antolakuntza perfektua, ikusle asko, eta iazko parte hartzaileen marka hautsita. Izan ere, 9 mutilek parte hartu zuten jauzi ganzdunen festan; lastima emakumerik ez animatzea atzokoan. Iragarrita zegoena baino ordu erdi beranduago hasi zen kukaña, mareengatik, Oiartzun ibaiak beharrezko sakonera izan zezan. Baina 21:00etatik aurrera etenik gabe saiatu ziren bederatzi parte hartzaileak ikurrina hartzen, baina ezin. Inork ez zuen hartu bandera, berez kukaña irristakor bazegoen, euriarekin are labainkorragoa zegoelako. Baina ez pentsa partaideek erraz amore eman zutenik, behin, bitan, hirutan, lautan, bostetan eta seitan saiatu zirelako lana betetzen. Baina ezin. Hala ere, azaldutako adoreagatik, denak izan ziren irabazle. [nggallery id=115] Hortaz, sari nagusirik ez zen banatu. Bai, ordea, erorketa onenaren saria, HITZAk emandakoa: tupusteko onena Ander Goiburuk hartu zuen. Hortaz, HITZAren erredakziotik pasatu dadila goiburua sariaren bila: urtebeteko harpidetza, eta materiala (toalla, motxila eta eguzkitako aterkia). Gaur, Koadrilen Eguna da madalenetan. Eguraldi ona dago. Gozamena izango da, gozamen koloretsu eta anitza.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.