Gaur arratsaldean hasiko dira Pasai Donibaneko jai handiak

1989. urtean aulki mugikorreko Espainiako Txapelketa irabazi zuten emakume arraunlariek botako dute txupina; 20:30ean izango da, plazan

olatz mitxelena

Pasaia

2015/07/24

Herri bazkarian, plazan

Nekane Alcaraz, Karmele Etxarri, Ines Etxeberria eta Arantza Sistiaga arraunlari ohiek piztuko dute gaur arratsaldean jaien hasiera iragarriko duen suziria. 1989an banku mugikorreko Espainiako Txapelketa irabazi zuten aurten omendutakoek. Hortik aurrera festak luze joko du Donibanen. San Inazio Eguna bitartean hamaika jarduera antolatu ditu jai batzordeak. Santio Eguneko sokamuturra, dantza txapelketa eta herri kirolak; Santa Ana Eguneko habanerak, San Pantaleon eguneko sardina jatea, eta San Inazio eguneko batelarien estropada, danborrada eta su artifizialak. Festetako klasiko guztiek dute aurten ere toki jai egitarauan. Baina sorpresarik ere bada. Herrien arteko herri kirol desafioan, esaterako, aurten, Donibane eta Intxaurrondo izango dira aurrez aurre, eta egun berean, Eneko Sein 100 kiloko harria altxatzen saiatuko da. Hilaren 30ean izango da hori, osteguna, baina aurretik hamaika jarduerez gozatzeko aukera izango da Donibanen. Gaur:

17:30 Joko-poteoa mozorroturik Meipitik txosnetara.
19:00 Buruhandiak Meipitik plazara txistulariek lagunduta.
20:00 Txupinazoa eta ikurrinaren igoera, 1989an banku mugikorreko Espainiako txapelketa irabazi zuten arraunlarien eskutik (Nekane Alcaraz, Karmele Etxarri, Ines Etxeberria eta Arantza Sistiaga).
Ondoren, flashmob-aren dantza eta gozoki jaurtiketa.
21:00 Mokaduak Bonantzako txosnan.
22:00-01:00 Berbena Santiago plazan Karlos DJarekin.

Bihar:

07:30 Diana txistulariekin herrian zehar.
08:00 Sokamuturra Donibane kalean zehar eta Santiago plazan.
10:00 Usakume-tiroa Gaztelutxoko zelaian. David Urra oroitaldia.
10:30 XXVII. Gaztelutxoko bizikleta igoera, Vicente Carballarsen omenez. Aurten irteera Meipiko biribilgunean egongo da.
Oharra: kaskoa janztea derrigorrezkoa da. Izena emateko epea: 10:15 arte.
12:00 Herriko toka txapelketa plazan.
12:30 Kantujira herrian zehar Meipitik hasita.
17:30 Mus txapelketa herrikoia Bonantzan.
18:30 XXVI. Gazteen dantza sueltoko txapelketa, Itsas Mendi txistulari taldeak antolatuta.
20:00 Herri kirolen erakustaldia plazan: Agustin Landarbide, Fausto Muguerza eta Espelete Bihurri.
23.00 Kontzertua Bonantzako arkuan.
00:00 Gazteluko txosnaren 5. urteurrena.

Etzi:

09:00 Autoek ezinduak jasoko dituzte beren etxeetatik, eta Santa Ana ermitara eraman.
10:00 Meza nagusia Santa Ana ermitan.
Ondoren, salda eta pintxoak banatuko dira, Itsasmendiko txistulariek girotuta.
11:30 XIII. Marmitako txapelketa.
12:00 X. Balkoietako lore-apainketa lehiaketa.
13:30 Marmitako-dastatzea eta sari-banaketa (epaimahaia herrikoia izango da).
14:00 Gazteen bazkaria plazan.
17:00 Xake-txapelketa eta partxis-txapelketa.
22:30 Ohitura zaharrak berreskuratuz: Habaneren XI. emanaldia. Santiago plaza musika eta kolorez jantziko da.
Ondoren, berbena Tsunami taldearekin.
00:00 “REMENBER GAUA” Gazteluko txosnan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.