San Pantaleon ospatuko dute gaur Donibanen

19:00etatik aurrera hasiko dira sardinak banatzen bisitariei

olatz mitxelena

2015/07/27

Koadrilek prestatzen dituzte urtero bisitariei eskaintzeko sardinak

Arrantzale Eguna ospatuko dute gaur Donibaneko jaietan. Koadrilek 15:30ean jasoko dituzte sardinak eta ikatza, arratsalderako 19:00etatik aurrera Donibanera joaten den orori eskaintzeko. Ondoren, 22:30ean, arrantzaleen danborrada irtengo da plazara, eta 00:00etatik aurrera, berriz, DJ Bullek jarriko du festara biltzen den oro dantzan. Gazteluko txosnan, berriz, San Pantaleon jaia hasiko da ordu berean. Baina eguerdi partean ere, bada zer ospatuko gaur Donibanen. Igel, bote eta toka txapelketa izango da 12:30ean, Santiago plazan, Aitona-amonen Aterpeak antolatuta, eta ordubete beranduago, X. balkoietako lore-apainketa lehiaketaren sari banaketa. Aitona-amonen bazkaria ere gaur da, eta ondoren, nola ez, musika eta dantza izango da barrutiko erretiratuentzat.

Gaur:

10:00 Diana txistulariekin herrian zehar.
12:30 Igel, bote eta toka txapelketa Santiago plazan, Aitona-amonen Aterpeak antolatuta.
13:30 X. Balkoietako lore-apainketa lehiaketa. Sari-banaketa.
14:00 Aitona-amonen bazkaria. Ondoren, musika eta dantza.
15:30 Herriko koadrilek sardinak eta ikatza jasoko dituzte Arizabalon.
16:15-20:00 Musika Pasai txarangarekin herrian zehar.
19:00 Sardina-jana herri osoan zehar.
22:30 Arrantzale danborrada, Konstantzia bandaren laguntzarekin.
00:00:00 Bull DJa txosnetan.
00:00 San Pantaleón jaia Gazteluko txosnan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.