Abuztuaren 2tik 6ra lehenengo bidaia 07:10ean aterako da Arraguatik, eta azkena 22:40an.
![xorrola](http://oarsoaldea.hitza.eus/site/files/2015/07/argazki300-300x187.jpg)
Xorrola herri barneko autobusa
Xorrolan hainbat aldaketa izango dira xanistebanek irauten duten bitarte. Abuztuaren 2tik 6ra lehenengo bidaia 07:10ean aterako da Arraguatik, eta azkena 22:40an.
Anbulatorioko zein Rafael Pikabea kaleko (Makutxo tabernaren parean) geltokiak kendu egingo dira behin-behinean. Geldialdia Manuel Lekuona bibliotekan egingo du Xorrolak.
Festak bukatzean, Xorrolarik ez da egongo. Irailaren 1ean hasiko da berriz martxan zerbitzua.