Euskarak bizi duen 'mespretxu' egoera salatu nahi izan du Ernaik

Pankartek lezoarren artean sortu duen haserreak ez duela ezertarako balio gero kalean euskarak ez badu lekurik salatu du Ernaik, eta lotsagarria iritzi dio, batez ere, gazteen artean euskarak duen erabilera mailari.

Ikerne Zarate

Lezo

2015/07/30

Pankartak herriko plazan

Hablo español porque soy español eta Arriba España zioten bi pankarta azaldu dira gaur goizean Lezoko Gurutze Santuaren plazan. Ernai dagoela bi pankarten atzean, eta ekintzaren bidez, euskarak bizi duen mespretxu egoera salatu nahi izan dutela jakinarazi dute gazte antolakundeko kideek: “Moskeo kanpaina baten parte dira bi pankarta horiek, eta helburua lezoarren atentzioa eta mina piztea izan da, hori baita guk egunerokotasunean Lezotik gabiltzanean sentitzen duguna, mina”. Herritarren erreakzioak oso azkarrak izan direla gaineratu du Ernaik, “eta espero genuen moduan jendea haserre eta deseroso agertu da pankartekin. Ba imajina ezazue egun euskararekiko gizarteak duen utzikeriarekin eta gaztelerak gazteon artean duen erabilera maila altuarekin euskal herritarrok sentitzen duguna”. Euskara kalean erabili beharra Pankartek lezoarren artean sortu duen haserreak ez duela ezertarako balio gero kalean euskara ez bada erabiltzen gaineratu du Ernaik, eta lotsagarria iritzi dio batez ere gazteen artean euskarak duen erabilera mailari. Udal gobernu berrian euskararekiko “utzikeria” antzeman duela esan du gazte erakundeak, bestalde: “Hori ez da onargarria Lezo euskaldun batean, gure hizkuntza euskara den bezalaxe, udalarenak ere euskara izan behar luke arlo guztietan”. Bigarren pankartaren gaineko azalpena ere eman du Ernaik. Espainiar bandera udalean jarrita izateak sentiarazten diena zabaldu nahi izan dutela esan du. amaitzeko euskara defendatu eta horretarako “mihia mugitzera” deitu ditu lezoar guztiak, “inongo beldurrik eta lotsarik gabe euskararen doinu ederrak zabaltzera”

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.