Girizia elkartea eta Rufi Etxeberria babestu ditu udalak

Udalbatza osatzen duten hamahiru zinegotziak izan ziren lehen aldiz, Jon Goikoetxeak kargua hartuta.

eihartze aramendia

2015/07/30

Girizia elkarteko bazkideak izan ziren udalbatzarrean

Atzo uztaileko ohiko plenoa egin zuten, hamahiru zinegotziekin. EAJko Segundo Garinek karguari uko egin eta gero, Jon Goikoetxeak hartu zuen kargua. Ohi baino beteago zegoen atzo ilunabarrean areto nagusia. Izan ere, Girizia elkarteak Herriko tabernen auzia-ren gaineko mozioa aurkeztu zuen (EH Bilduk bereganatu zuena). Elkartearen izenean Imanol Barrenetxeak hartu zuen hitza eta batik bat esker hitzak izan zituen. Jeltzaleek mozioa babestu ez arren (abstenitu egin ziren), euren iritzia jakinarazi zuten eta gorenak emandako sententzia salatu zuten. Abuztuaren 8an Donostian izango den elkarretaratzean parte hartzeko deia egin zuten. Horrez gain, beste hainbat puntu landu zituzten atzoko udalbatzarrean. Hala nola, zinegotzi eta talde politikoen ordainsariak. Momentuz aurreko legegintzaldiko kopuru berak izango direla jakinarazi zuen Jexux Leonet alkateak: “Dena den, gaia mahai gainean dago eta aldaketak ego daitezke”. UEMAn Oiartzungo Udalaren laugarren ordezkaria Eneritz Arbelaitz izango da eta ordezkoa Iñaki Pikabea. Xanistebanek 89.500 euroko aurrekontua onartu zuten aho batez. Protokolo gastuen berri ere eman zuten: ekainean 668,62 euro izan ziren eta uztailean 40 euro.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.