Pasaiako kirol taldeek doan erabili ahalko dute azpiegitura berria, eta partikularrek frontoia orduka alokatzeko aukera izango dute

Antxotarrak, palan, frontoi berrian
Gaur hasiko da ikasturtea Antxoko pilotaleku berrian. Erabilera ugari izango ditu azpiegitura berriak, eta beraz, erabiltzaileak ere asko izango direla aurreikusi dute udal arduradunek.
Lan egunetan frontoia kirolerako bakarrik erabiliko da. Eskola Kirolerako erabiltzeaz gain, Pasaiako kirol taldeek doan erabili ahal izango dute. Bestalde, partikularrek frontoia orduka alokatu ahal izango dute. 18 urtetik beherakoek orduko 5,10 euro ordaindu beharko dituzte eta 18 urtekoek edo helduagoek, berriz, orduko 10,30 euro.
Asteburuetan erabilera librea
Asteburuetan eta jaiegunetan, berriz, pilotalekua erabilera librerako zabalik egongo da zenbait orduz, 11:00etatik 19:00ak arte, eta udaltzainek ireki eta itxiko dute instalazioa. Edonola ere, noizean behin, erabilera bereziak baimenduko dituzte, barrutiko agenda kulturalaren arabera.
Eskaerak egiteko informazio guztia
udalaren webgunean dago. Bertan pilotalekuaren erabilerari buruzko informazio eguneratua ikusi ahal izango dute erabiltzaileek, erreserbak egiteko garaian.