Bisita gidatuak izango dira Atlantikaldian

Bisita gidatuak hilaren 17tik 20ra izango dira, eta aurretik izena eman beharko da

2015/09/01

Atlantikaldia (Herribizia)

Hilaren 17tik 20ra bitartean bueltatuko da bigarrenez, Atlantikaldia Errenteria-Oreretara. Ekitaldi ugari izango dira (musika emanaldiak, hitzaldiak, erakusketak…) eta horiei, bisita gidatuak batuko zaizkie. Herriko plazatik Errenteria-Oreretako iraganera egingo dute bisita, eta besteak beste, egungo Foru plazan lonja bat zegoela ikusiko dute, 1497an eraikia. Izan ere, Erdi Aroko Villanueva de Oiarso itsasoari lotuta zegoen: itsasontziak mehatzez beteta iristen ziren, eta ondoren, burdina bihurtzen zuten. Horrez gain, ontziolak ere baziren Ugarritzen, Pontikan, Madalenan, Basanoagan eta Errebalean. XVI eta XVII. mendeetan, Amasa familiakoek errege armadarentzako ontziak egin zituzten. Horiek omen ziren onenak lan horretan. Bisitak hilaren 17, 18, 19 eta 20an Honako egun hauetan izango dira bisita gidatuak: hilaren 17an, 19:30etik 20:30era (euskaraz); 18an, 17:00etatik 18:00etara (gaztelaniaz); 19an, 16:30etik 17:30era (euskaraz), eta 20an, 11:30etik 12:30era (gaztelaniaz). Hilaren 19ko saioa, familiei zuzenduta egongo da, eta Foru plazatik irtengo da. Gainontzekoak, Herriko plazatik. Plazak mugatuak dira, 25 pertsona, eta izena eman beharko da aurretik, 943 44 96 10 telefono zenbakian edo archivo@errenteria.eus helbide elektronikoan. Izen abizenez gain, telefono zenbaki bat eta pertsona kopurua zehaztu beharko dira. Hilaren 3tik 11ra arte egin ahal izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.