Josetxo Etxandi Pilota Oroitaldia jokatzen ari dira Lezon 40. aldiz, eta gaurtik hasita, ostegunera bitartean final laurdenetako partidak jokatuko dituzte. Goiko Plazako frontoian jokatuko dira partida guztiak, bi egunean, 18:30etik aurrera.
Josetxo Etxandi Oroitaldiko beste urte bateko partida
Josetxo Etxandi Pilota Oroitaldia jokatzen ari dira Lezon 40. aldiz, eta gaurtik hasita, ostegunera bitartean final laurdenetako partidak jokatuko dituzte. Goiko Plazako frontoian jokatuko dira partida guztiak, bi egunean, 18:30etik aurrera. Promesa Mailako Ugalde eta Olaizola, Laso eta Martijaren aurka ariko dira. Gaurko bigarren partidan, berriz, Arteaga eta Erasun, Beitia eta Bolinagaren aurka ariko dira. Lehen Mailako afizionatuak dira azken lau pilotariak.
Gazte Mailako pilotariek hartuko dute Goiko Plaza biharko partidetan. Leneik Salaberria-Aranguren bikotea Alberdi-Salegi bikotearen aurka ariko da. Zubizarreta-Garmendia eta AEtxeberria- P.Anduagak hartuko dute lekukoa. Ostegunean berriz, Gazte Mailan ariko dira final laurdenak jokatzen Arrizabalaga-Aizpuru, Petite-Salaberriaren aurka eta Urbieta-Imaz bikoteak Azpiri-Galartza bikotea izango du aurkari Lehen Mailako afizionatuetan.
Etxandi, pilotazale porrokatua
Lezoko Kale Nagusian 1950. urtean jaio zen Josetxo Etxandiren izena darama oroitaldiak. Zazpi senideen arteko zaharrena, pilotazale porrokatua zen Etxandi, baina utzi egin behar izan zuen bihotzeko gaixotasun baten ondorioz. Lezoko eta inguruko herrietako pilota antolakuntza lanetan aritu zen lanean ordundik, baina 25 urte bete gabe hil zen.
Federazioan lan handia egina, pilotan jokatzeko beharrezkoa zen materiala lortzen ibili zen eta batez ere Lezoko gaztetxoen artean akuilu izan zela nabarmendu dute oroitaldiaren antolatzaileek: “Eguraldiak laguntzen zuen neurrian, beti zegoen jendea frontoian pilotan jiokatzen eta Josetxok animatu egiten zituen entrenatzera eta herrian zein inguruetan antolatzen ziren txapelketetan parte hartzera”. Udan herriko pilotarien arteko txapelketak antolatzen zituen Etxandik eta herriko jaietako partidetara maila bikaineko piilotariak ekartzen saiatzen zela beti ere gogorarazi dute.
