Atzo hasi zen Enrike Abril Errebote Txapelketa Oiartzungo Beheko Plazan. Txapelketako aurkaririk zailenak zituzten atzo Txosteko bi taldeek, donibandarrak eta baigorriarrak.

Txosteko bi taldeak eta Zaharrer Segi eta Luzean
Atzo hasi zen Enrike Abril Errebote Txapelketa Oiartzungo Beheko Plazan. Txapelketako aurkaririk zailenak zituzten atzo Txosteko bi taldeek, donibandarrak eta baigorriarrak, iazko txapeldun eta txapeldunordeak. Txost 2 eta Luzean (Donibane Lohizune) taldeen artekoa 6-13 bukatu zen eta Txost 1 eta Zaharrer Segi (Baigorri) taldeen artekoa 3-13.
Oso partida txukunak jokatu zituzten Oiartzungo bi taldeek. “Ez zuten amore eman eta emaitzak pilotalekuan ikusi zena ez dute ongi adierazten, zenbaitetan partidan une oso borrokatuak egon baitziren”, adierazi dute Txostetik. Lehenengo partidak adibidez, 2 ordu eta erdiko iraupena izan zuen.
Txosten helburua aurrefinaletan sartzea da, eta borroka horretan hurrengo partidak izango dituzte erabakigarri.