Zuri-gorriek denboraldiko lehen garaipena lortu dute

4-3 irabazi dio Pasaiak Beriori, partida lehiatua eta "eroan"

olatz mitxelena

2015/09/07

Pasaia, denboraldia aurreko entrenamenduan

Puntuak gehitzeko irrikaz zelairatu ziren lehengo larunbatean Pasaiako jokalariak, eta desioa errealitatea bihurtzea lortu zuten, baina elastikoak ederki izerdituta. Partida hasi eta berehala hasi ziren golak sartzen zuri-gorriak, eta lehen zatiko 14. minuturako bi golen aldea zuten aldeko. Beriok, baina, ez zuen berehalakoan etsi, eta Pasaiak zelai erdian galdutako baloia ongi baino hobetu probestu zuen, 16. minutuan 2-1ekoa lortzeko. Pasaitarrentzako hirugarren gola 22. minutuan iritsi zen, eta 3-1ekoarekin iritsi zen atsedenaldia. Bigarren zatia hasi eta berehala zuri gorrien penalti bat esker lortu zuen Beriok 3-2koa eta, 61. minutuan donostiarrek berdinketa lortu zuten. Kontrarioen bultzadak estututa piztu ziren berriz zuri gorriak, eta Beriok berdinketa erdietsi eta bukaerara arte partidari erritmo eroa eman zioten bi taldeetako jokalariek. Azken gola, baina, zuri gorrientzat izan zen, Cristianek txilena ikusgarri batez lortuta. Beriori 4-3 irabazita denboraldiko lehen hiru puntuak poltsikoratu ditu Pasaiak. Orain dela bi aste abiatu zen denboraldia 3. Mailan. Lehen partida Santutxuren kontra jokatu zuen Pasaiak, eta hura 0-1 galdu zuten. Lehengo astean Santurtziren kontra jokatu zuten, eta 3-1 galdu. Datorren astean Alavesen kontra dute partida.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.