Santakrutzak lehertuko dira gaur
Arratsaldeko zazpietako txupinazoarekin hasiko dira santakrutzak.
Ordu batzuk baino ez dira falta Lezon jai giroa nagusitzeko. Zazpietan egingo du eztanda jaiei hasiera emango dien txupinak, Eñaut Alvarez Ansorena eta Araitz Hernandez Tolosa Alkate Txikiek pregoia irakurri ostean. Murixkako dantzarien agurrak egingo die bost eguneko jaiei harrera aurten ere, eta 53 ekitaldiz gozatzeko aukera izango dute lezoarrek.
Gaur danborrada izango da nagusi. Urtero bezala, danbor hotsek beteko dituzte bazterrak 22:45ean hasita, eta gauerdian bilduko dira Altzate, Ixkulin, Tiñelu eta Allerruko danbor eta barril jotzaileak Gurutze Santuaren plazan. Une hunkaigarria da azken hori eta hamarnaka lezoar bilduko dira danbor hotsen ingurura.
Marmitako Txapelketa
Marmitako txapelketa izango da XVI. aldiz Saldise plazan eta nor baino nor ariko dira herriko elkarteak lehenengo postuaren bila. Igandean berriz, lezoarren artean tradizio bilakatu den desfilea izango da 12:00etan Lopenetik abiatuta.
Asteburuko egitaraua:
Gaur, ostirala
- 19:00. Alkate Txikiek jaiei hasiera emango diete. Pregoia, txupinazoa eta Murixkako dantzarien agurra plazan. Segidan, Tomas Garbizu Musika ESkolako Bandak eta Munttar Txistulari taldeak Tomas Garbizuren Lezoko Herria ereserkia joko dute. Ondoren buruhandi eta erraldoein kalejira Munttar txistulari taldearekin.
- 22:30. Berbena Modestorekin plazan.
- 22:45. Danborradaren hasiera.
- 00:00. Allerru, altzate, Ixkulin eta Tiñeluren helduen danborradaren topaketa plazan.
- 00:30. Berbenaren jarraipena.
- 02:00. Karaokea plazan.
- 10:00. Diana oarsoaldeko dultzaineroekin.
- 11:00. XVI.Marmitako Txapelketaren hasiera Saldise plazan.
- 11:00. Puzgarriak Lopene plazan.
- 12:00. Buruhandi eta erraldoien kalejira Bekoerrota kiroldegitik abiatuta, Munttar Txistulari taldeak lagunduta.
- 12:30. VI. Muxiko eguna.
- 14:30. XVI. Marmitako Txapelketaren bazkaria Andoni Ollokiegik alaituta Saldise plazan.
- 16:30. Truck Txapelketa Tiñelu elkartean.
- 17:00. Puzgarriak Lopene plazan.
- 17:00. Muxikoak herrian zehar.
- 18:00. Buruhandi eta erraldoien kalejira Bekoerrota kiroldegitik abiatuta, Munttar Txistulari taldeak lagunduta.
- 18:30. Ingurutxo dantza plazan.
- 19:30. Kale antzerkia. Orratx taldearen Kale Hop obra emanaldia plazan.
- 22:30. DJ Iker plazan.
- 23:00. Kontzertua Saldise plazan.
- 09:00. Plater tiraketa Arkaleko kantxan.
- 10:00. Diana oarsoaldeko dultzaineroekin.
- 12:00. Inude eta artzainen desfilea Lopenetik abiatuta.
- 16:30. Poniak eta zezentxoak txikientzat.
- 17:30. Joxetxo Etxandi XL. Oroitaldiko herri mailako pilota txapelketaren finalak Goiko Plazan. (Eguraldi txarrarekin, Bekoerrota kiroldegian).
- 19:00. Buruhandi eta erraldoien kalejira Bekoerrota kiroldegitik abiatuta, Munttar Txistulari taldeak lagunduta.
- 19:30.Gurutze Santuaren bezperak.
- 20:00. Erromeria Haitzama taldearekin plazan.
- 22:00. Zezen suzkoa plazan.
