Auzoetako bizilagunak erdialdera erakartzeko asmoz, zeramika lantegi ibiltariak prestatu dituzte.
![Zeramika egin dezakete haur eta nerabeek](http://oarsoaldea.hitza.eus/site/files/2015/09/Zeramika.jpg)
Zeramika egin dezakete haur eta nerabeek
Ostegunean hasi eta igandera bitartean izango da Atlantikaldia, Errenteria-Oreretan. 80 ekitalditik gora izango dira lau egunetan, eta horietako batzuk zeramika lantegiak izango dira. Haurrei zuzenduta daude.
Hiru egunetan izango dira lantegi horiek: ostiralean, 18:00etatik 20:00etara Iztietan; larunbatean, 18:00etatik 20:00etara Pontikan; eta igandean, 11:00etatik 13:00etara Beraunen.
Antolatzaileen arabera, auzoetako bizilagunak erdigunera erakarri nahi dituzte, eta horregatik, zeramika lantegi horiek ibiltariak izango dira.