AEK-ko ateak irekita dituzte 500dik gora ikaslek

Matrikulatzeko epea irekita dago Errenteria-Orereta, Lezo, Oiartzun eta Pasaiako AEK euskaltegietan.

2015/09/22

Matrikulatzeko deialdia egin dute Errenteria-Oreretako Herriko Plazan Oarsoaldeko AEK-ko ordezkariek.

500dik gora ikasle izatea, horixe Oarsoaldeko AEK-k ikasturte berrira begira bota duen erronka. Dagoeneko matrikulatzeko epea ireki dute Errenteria-Orereta, Lezo, Oiartzun eta Pasaiako AEK-n. Deialdia irekia da: gurasoak, langabeak, merkatariak, gazteak… euskaraz bizi nahi duen oro. Horretarako, baldintza eta behar guztietara egokitutako eskaintza daukala gogorarazi du AEK-k: edozein lekutara joateko prest, ordutegi eskaintza zabala, txandaka aritzeko aukera, egunero aritu ez direnentzat autoikaskuntza… Era berean, euskara ikasi nahi dutenek “ahalik eta oztopo gutxien izateko” lau udalerrietan diru laguntza sistemak daudela gogorazi du: langabeentzako doako ikastaroak, ikastaro bereziak guraso, merkatari eta bestelakoentzat… Zentzu horretan, eskertu eta zoriondo egin ditu Oarsoaldeko erakundeak. Lan talde eskarmentatuta, baina era berean, “freskoa eta gaztea” aurkituko dute izena ematen dutenek. Horiek komunikazioan oinarritutako metodologia erabiltzen dutela gogorarazi du AEK-k, “gozagarri eta errazagoa egiteko”. Joan den ikasturtean 525 ikasle aritu ziren Oarsoaldeko AEKn ikasten 44 taldetan banatuta. Izena emateko Errenteria-Orereta (943 34 02 33/orereta[a bildua]aek.org), Lezo (943 51 91 44/lezo[a bildua]aek.org), Oiartzun (943 49 39 57/oiartzun[a bildua]aek.org) edo Pasaiako (943 52 55 45/pasaia[abildua]aek.org) euskaltegitik pasatu beharko da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.