San Fermin Txiki ospatuko dute Antxon

Ostiraletik igandera, afari, bazkari, dantzaldi eta jolas eskaintza aparta prestatu du jai batzordeak

olatz mitxelena

2015/09/22

Haurrentzako bizikleta lasterketa izango da aurten ere, igande arratsaldean

Dena prest dago Antxon San Fermin Txiki jaiak ospatzeko. Ostiralean hasiko dira barrutiko festa txikiak eta igandean bukatu. Txupinazoa 20:00etan ospatuko dute, Gure Zumardian, eta ondoren izango dira, Sobakillo afaria mitikoa, herri danborrada eta dantzaldia. Larunbata goizean, haurrentzako dira programatutako guztiak; gurpildun zezentxoen entzierroa eta buruhandiak izango dira. Herri bazkaria ere izango da, ohi bezala, Blas de Lezo kalean, eta ondoren puzgarriak, tailerrak eta jolasak. Bien bitartean, gazteenak Marealtan bilduko dira gazte asanbladak antolatutako ur jolasetan. Gazte bazkariaren ondoren izango dira jolasak, izan ere, egitarau propioa landu baitu gazte asanbladak San Fermin Txiki jaietarako. Igandean, azkenik, lehiaketa gastronomikoa izango da goizean, legatza saltsan zeinek goxoen prestatuko, eta arratsaldean, berriz, arratza txapelketa eta bizikleta lasterketa. Festei amaiera emateko, berriz, su artifizialak izango dira Katuen Etxadian. Egitaraua: Ostirala: 17:00: Pilota Ikuskizuna Ibaiondon (pala eta esku pilota). 20:00: Txupinazoa zumardian. Jarraian, buruhandiak. 21:00: Herri danborrada. 22:00: Sobakillo afaria zumardian. Ondoren Karlos DJa. Larunbata: 11: 00: Haurrentzako gurpildun zezentxoekin entzierroa. Segidan, buruhandiak. 14:30: Herri bazkaria Blas de Lezo kalean. Ondoren puzgarriak eta txaranga. 17:00: tailerrak eta jolasak. 00:00: Karlos DJa azokan. Igandea: 11:30: Legatza saltsan txapelketa zumardian. 12:00: Karabina txapelketa. 16:00: Haurrentzako heriotzarik gabeko arrantza txapelketa Marealtan. 17:30: Haurrentzako Bizikleta Lasterketa. 21:00: Su artifizialak Katuen Etxadian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.