Balio hezitzaileak landuko dituzte, Merkatuzarren

Oarsoaldea eskualde hezitzailea izateko xedearekin larunbatean, hilak 26, topaketa bat egingo dute Errenteria-Oreretako Merkatuzarren, 10:30etik 12:30era.

Aizpea Amas

Errenteria-Orereta,Lezo,Oiartzun,Pasaia

2015/09/23

Oarsoirriak-ek antolatutako margoketa (Argakia: Oarsoirriak).

Oarsoaldea eskualde hezitzailea izateko helburuarekin larunbat honetan, hilak 26, topaketa bat egingo dute Errenteria-Oreretako Merkatuzarren, 10:30etik 12:30era. Deialdia Errenteria-Orereta, Lezo, Oiartzun eta Pasaiako gurasoei eta haur nahiz gazteekin lan egiten duten hezitzaileei egin diete. Lorea Agirre adituarekin hasiko da saioa, eta oinarri eta balio hezitzaileen gaineko azalpen teorikoa emango du. Gero, Oinherriren txanda izango da. Gai hori lantzen duen elkarteak bere ibilbidea eta lanaren berri emango du. Ondoren, kasu praktiko bat ikusiko dute: Oinherrirekin lanean ari den herri bateko esperientzia azalduko du Nora Salbotxek (Baztan). Bukatzeko, hausnarketa saio bat egingo dute bertaratutakoen artean. Parte hartu nahi dutenek izena eman beharko dute osteguna baino lehen euskara[a bildua]oarsoaldea.net helbidean edota 943 51 01 11 telefono zenbakian. 2012tik lanean Oarsoaldean 2012an hasi ziren haur eta gazteen heziketa eta aisialdiari begirako balio hezitzaileak lantzen eskualdeko zenbait eragile. Elkartasunezko eta hezkidetzazko balioak dira sustatu nahi dituztenak, eta hori auzolanean eta euskaraz egin nahi dute. Lanketa horretan ari dira Oarsoirriak, Oarsoaldeko Euskara Batzordea eta Kuadrillategi.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.