Margari Portabales gogoratuko dute San Pedroko jai txikietan

Bihar hasiko dira festak, Jon Urkizuk sortutako dokumentalaren aurkezpenarekin

olatz mitxelena

2015/09/23

Denon gogoan izango da aurtengo San Pedro Txiki jaietan Margari Portabales

27 urte, 3 hilabete eta 7 egun. Hala du izena San Pedroko preso ohi Jon Urkizuk landutako dokumentala. Bihar aurkeztuko dute, udal aretoan, 20:00etatik aurrera, San Pedro Txikietarako antolatutako jai egitarauaren barruan. Jaien hasiera ofiziala, baina, ostiralean izango da, Mikel Astarlozaren eskutik, arratsean. Aurretik haurrentzako jolasak eta pilota finala jokatuko dituzte frontoian. Antxetan bertso afaria izango da ostiralean, eta ondoren DJak txosnan. Larunbatean ere goizean goizetik igarriko da jai giroa San Pedron. Haurren bizikleta lasterketa, marmitako eta mus txapelketak, bazkaria, eta kontzertua, denetarik izango da egunean zehar. Margari Portabales gogoan Jaietako azken egunean, igandean, Margari Portabales omenduko dute. Sanpedrotar guztien gogoan izango da urtetan hamaika kultur jardueren antolatzaile izandakoa, eta horregatik haren omenez antolatuko dituzte igande goizeko jarduerak; dantzari txikien desfilea, Iñudeak eta artzainak eta kantu jira. Arratsaldean berriz, koadrilen arteko trainerillen estropadak girotuko du festa. Egitaraua: Osteguna: 20:00: 27 urte, 3 hilabete, 7 egun, Jon Urkizuren dokumentala udal aretoan. Ostirala: 17:30: Haurren merienda Portuko Etxeetan. 18:30: Esku pilota finalak frontoian. 19:30: Kalejira frontoitik plazara. 20:00: Txupinazoa. 21:30: Bertso afaria Antxetan. 00:30: DJ Txozna, txosnan. 03:00: DJ Garinbo, txosnan. Larunbata: 11:00: Haurren bizikleta lasterketa frontoitik. 11:00: Marmitako txapelketa Antxetan. 14:30: Bazkaria Antxetan. 16:00: heriotzarik gabeko arrantza txapelketa haurrentzat. 19:30: Ladrones de guitarras taldea Torreatzen. 22:30: Input taldearen kontzertua frontoian. Ondoren DJ Javi, txosnan. Ordu Txikitan: Barrena frontoian. Igandea: 12:00: Partata tortilla txapelketa frontoia. Margari Portabalesen omenez: 11:00: Dantzari Txikiak Torreatzetik. 12:15. Iñudeak eta artzainak frontoian. 12:30: Kantu jira frontoian. 16:30: Koadrilen desfilearen aurkezpena Tirri Tarrarekin. Argazkia eta desfilearen hasiera. 17:30: Koadrilen arteko trainerillen estropada. 20:00: Afari Merienda Piña Kurdin elkartean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.