Kirol eskaintza zabala, Bekoerrotan eta Altzaten
Kiroldegiko abonatu izateagatik, BPXportek kudeatzen dituen beste kiroldegietan sarrare doan izango dute Bekoerrota eta Altzateko erabiltzaileek
Ikasturte berrirako kirol eskaintza zabala prestatu dute Bekoerrota eta Altzaten. Helduei begirako jarduerak lau multzotan sailkatu dituzte: Sasoian, Olatu artean, Orekatu eta Gogotsu. Haurrei zuzendutako eskaintza berriz, bi multzotan sailkatu dute, Jolasean eta Olatu txikien artean.
Helduei begirako Orekatu multzoan, pilates saioak eskainiko ditu Bekoerrotak eta arduradunek azaldu dutenez, “posizioaren kontrolaren bidez, gorputz orekatua lortzea da helburua”. Bigarren multzoa Sasoian da. Azken horretan, Circuit-tono, zumba eta ciclo-tono jarduerak eskainiko ditu kiroldegiak, gorputza aktibatu eta sasoian jartzeko. Igeriketa saioak Olatu artean multzoan sartu dituzte, eta hiru maila eskainiko dituzte bertan. Gogotsu da helduei begirako jardueren azken multzoa eta intentsitate handiagoko jarduerek dute lekua bertan: ciclo, jump!,aerobik-step, eta total training edo krossfit.
Haurrei begirako eskaintza
Haurrek, judoa eta Jump! Kids egiteko aukera izango dute Bekoerrotan, Jolasean multzoaren barruan. Olatu Txikien artean berriz, maila eta adinaren araberako igeriketa ikastaroak izango dituzte aukeran txikienek. Kiroldegiko abonatu izateagatik, BPXportek kudeatzen dituen beste kiroldegietan sarrare doan izango dute Bekoerrota eta Altzateko erabiltzaileek arduradunek zehaztu dutenez. Horrekin batera, Urriaren 11ra bitartean abonatzen direnek, ikastaroetako matrikula doakoa izango dute. 
