Larunbatean izango da Aiako Harria BTT Maratoia

Aurten ere ibilbide luzea (54 kilometro), motza (30 kilometro) eta haur zein gaztetxoena prestatu ditu Girizia BTT taldeak.

eihartze aramendia

Oiartzun

2015/09/28

Aiako Harria BTT proba

Aiako Harria ingurua prest dago txirrindulariak hartzeko, larunbatean (urriak 3) Aiako Harria BTT Maratoia izango da Girizia BTTk antolatuta. Aurten ere ibilbide luzea zein motza eta haurrena izango da. Luzea egiten duten kirolariek 54 kilometro egin beharko dituzte eta laburra egiten dutenek, berriz, 30. Ibilbide luzeari 09:00etan emango diote hasiera eta motzari, 09:30ean. Luzea egiten dutenek denbora kontrolak kontuan hartu beharko dituzte: Sorondon (27 km) 11:45ean itxiko dute ibilbidea; Arritxulon (38 km) 13:00etan; eta Gurutze auzoan (50 km) 14:00etan. Haurren ibilbideari dagokionez, 09.30ean izen-ematea irekiko da eta 10:00etan abiatuko dira adinaren arabera. 3-5 urte bitartekoek gynkana egingo dute, 6-10ekoen ibilbidea 7 kilometrokoa izango da eta 11-14koena 12 kilometrokoa. 3-6 urte bitartekoek ez dute ezer ordaindu beharrik izango eta 7 urtetik 10 urte bitartekoek 5 euro ordaindu beharko dute. Izena emateko Ibilbide luzerako zein laburrerako kirolprobak.com helbidera sartuta eman behar da izena. Federatuek ordaindu beharrekoa 15 euro izango da eta besteek 18 euro. Dena den, larunbatean behar izena emateko aukera egongo da, kasu horretan guztiek 25 euro ordaindu beharko dute. Ostiralean, urriaren 2an, dortsalak banatuko dituzte 18:00etatik 20:00etara, Doneztebe plazan. Informazioa ere banatuko dute eta bolondresen izen-ematea ere orduan izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.