Antxora itzuliko da aurten Euskal Herriko Aurresku txapelketa

Ibaiondo pilotalekuan lehiatuko dira Euskadiko XXXV. Gipuzkoar Aurresku eta Euskadiko IX. Soinu Zahar txapelketak, larunbatean

olatz mitxelena

Pasaia

2015/09/30

Gaur eguerdian aurkeztu dute txapelketa, Koldo Mitxelenan

Bere jaioterrira itzuliko da aurten Euskal Herriko Aurresku txapelketa. Antolakuntzaren beharrak asetzeko azpiegitura egoki baten faltagatik lekualdatu zuten txapelketa, orain dela bederatzi urte, Anxotik Donibanera, baina Antxok pilotalekua berria estreinatu izanak lehia bere sorlekura itzultzea ahalbidetu du aurten. Honenbestez, Ibaiondon lehiatuko da larunbatean Euskadiko XXXV. Gipuzkoar Aurresku txapelketa, eta baita Soinu Zahar txapelketa ere, Alkarkidek antolakuntza bere gain hartuz geroztik urtero egin den legez. Gaur aurkeztu dute txapelketa, Donostiako Koldo Mitxelena Kulturunean. Gipuzkoako Euskal Dantzarien Biltzarrak eta Alkarkide Alkartasunako Dantzari Ohiak taldeko kideak ez ezik, Pasaiako alkate Izaskun Gomez eta kultura zinegotzi Miriam Cano izan dira aurkezpenean. Antolatzaileek aurreratu dutenez, aurten, hamahiru neska dantzatu dira Soinu Zahar Txapelketan, eta zazpi mutil Aurresku txapelketan. Mutiletan, Ibarrako Adrian Odriozola izan ezik, dantzari guztiak eskualdekoak dira. Parte hartzaileak Neskak Maider Lizeaga (Pasaia) Janire Fernandez (Lezo) Nerea Videira (Oiartzun) Ane Urruzola (Villabona) Maddi Otegi (Villabona) Izar Aizpuru (Oiartzun) Leire Amiano (Lezo) Maddi Nazabal (Oiartzun) Garazi Lasa (Donostia) Izar Etxeberria (Oiartzun) Maialen Marizkurrena (Elduaien) Udane Eskudero (Oiartzun) Nerea Azkue (Lezo) Mutilak Aimar Odriozola (Ibarra) Ekain Susperregi (Oiartzun) Luis Garcia (Errenteria) Iker Sanz (Lezo) Beñat Asensio (Lezo) Xanti Leonet (Oiartzun) Beñat Salegi (Errenteria)

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.