Ekleylson Markes da Silvak irabazi du Aiako Harria BTT Maratoia

Iker Arruabarrena oiartzuarra izan da bigarrena

olatz mitxelena

2015/10/05

Aiako Harria parke naturalaren barne sartzen da ibilbidea, paisaia aldetik ikusgarria

Ekleylson Markes da Silva usurbildarra izan da aurten Aiako Harria BTT maratoiaren ibilbidea osatzen azkarrena (02:51:30). Haren atzetik, bost segundora, Iker Arruabarrena oiartzuarra iritsi da Doneztebe plazara (02:56:02), eta hirugarren postuan, Luis Mari Urizar Otamendi villabonarra (02:58:05). Eguraldiak lagunduta arrakastaz egin da aurtengoan ere Girizak antolatutako Aiako Harria BTT Maratoia. Urtero legez, parte hartzaileek ibilbide laburra eta luzea izan zuten aukeran, eta batzuek zein besteek, denek gogotik izerditu behar izan zuten Doneztebe plazan kokatutako helmugaraino iristeko. 54 kilometro osatu zituzten proba luzean izena eman zutenek, eta 30 laburraren aldeko hautua egin zutenek. Helduek irten eta ordu erdi beranduago irten ziren haurrak, adinaren arabera antolatutako ibilbideak egitera. Guztira, 257 lagunek bukatu zuten proba. Nabarmentzekoa, emakumerik ez dela ageri aurtengo sailkapenean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.