Txileko eta Euskal Herriko musikak Soinuenea hartuko du

Kañachama eta BBXA taldeek kontzertua emango dute Auzokalte elkartean; goizean haurrei zuzendutako kontzertu didaktikoa izango da Soinuenean bertan.

eihartze aramendia

Oiartzun

2015/10/16

Kañachama taldeko kide bat

Udazkeneko kontzertua izango da bihar eta ohi bezala bi talde hurbilduko dira Ergoiengo Auzokalte elkartera musikaz betetzera. Aurtengoan Txiletik etorritako taldea eta Euskal Herriko BBAX (Behi Bideko Andere Xuriak) taldea ariko dira oholtza gainean 18:30etik aurrera. Kañachama taldea gaur egun Iruñean bizi diren Kristian Guerrero eta Hector Guerrero txiletarrek eta Javier Ignacio Larrayoz Larri nafarrak osatzen dute. BBAX hirukotea Mirentxu Agerre (panderoak), Marie Hirigoien Bidart (zeharkako flauta) eta Pantxix Bidart (gitarra eta cavaquinhoa) dira. Kontzertua bukatuta herri afaria egingo dute. Kontzertuko sarrerak 5 euro balio du eta horrez gain afarian gelditu nahi duenak 20 euroko txartela eskuratu beharko du. Txartela gordetzea nahi duenak Soinueneara deitu eta bere datuak ematearekin nahikoa du. Goizean kontzertu didaktikoa Haurrei zuzendutako kontzertua goizean izango da, 11:30etik aurrera Soinuenean bertan. Kañachama taldeko musikariek haurrei eskainiko dieten emanaldi honetan Txileko musika herrikoia hango soinu-tresnekin jota ezagutzeko aukera izango dute haurrek eta beraiekin datozenek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.