Antolatzaileek plazak mugatuak direla esan dute eta parte hartzeko izena eman behar dutela interesdunek.
![Begetariano Eguna egingo dute larunbatean](http://oarsoaldea.hitza.eus/site/files/2015/10/5-vegetariano.jpg)
Elikaduraren garrantziaz mintzatuko dira, eta horretan murgiltzeko klabeak ere emango dituzte datorren larunbatean Alabergako Arditurri elkartean. Izan ere, Begetariano Eguna antolatu dute eta ekitaldi sorta prestatu egun osoko egitarua atontzeko. Hitzaldiak emango dio hasiera egunari, 11:00etan.
Ahal da: Elikadura begetariano osasuntsurako giltza hitzaldia gazteleraz izango da.
Herri bazkari begetarianoa izango da ondoren, elkartean bertan eta 16:30ean
Making the connection dokumentala ikusteko aukera izango dute parte hartzaileek. Dieta beganoaren onurez mintzatzen da dokumentala.
Pintxo tailerra
Begetariano Egunean parte hartzen duten lagunek pintxo begetarianoen elaborazio tailerra egingo dute eta azkenik, pintxo pote begetarianoa, noski. Antolatzaileek plazak mugatuak direla esan dute, beraz, parte hartzeko izena eman behar dute interesdunek, eta 15 euro ordaindu.
Posta elektronikoa balia dezakete horretarako, edo 652 76 37 07 telefono zenbakira deitu.
Egitaraua
- 11:00: Hitzaldia. Ahal da: Elikadura begetariano osasuntsurako giltzak (gazteleraz).
- 14:00: Herri bazkari begetarianoa.
- 16:30: Making de connection dokumentala.
- 17:00: Hizketaldi eztabaida.
- 18:30: Pintxo begetarianoen elaborazio tailerra.
- 20:00: Pintxo pote begetarianoa.
- 21:00: amaiera?