Leizaran taldeari 24-19 irabazi dio emakumeen Munttarpe taldeak, ligan kirol klubaren lehen garaipena lortuz.
![Munttarpeko emakumeen taldea, garaipena ospatzen. Argazkia: Munttarpe](http://oarsoaldea.hitza.eus/site/files/2015/10/munttarpe.emakumeak1.jpg)
Munttarpeko emakumeen taldea, garaipena ospatzen. Argazkia: Munttarpe
Larunbatean, Bekoerrota kiroldegian, historia egin zuen Munttarpek. Ligan lehen garaipena lortu du sortu berri den eskubaloi taldeak: Emakumeen Euskal Ligako taldeak 24-19 irabazi zion Leizaran taldeari. Hortaz, kirol talde berrian seinalatzeko modukoa izango da larunbateko data (gizonek lehen partida hurrengo asteburuan dute, etxean, Arrasateren kontra).
Eta nola ez, lehenik kantxan publikoarekin, eta gero afariarekin (irudian), ederki asko ospatu zuten garaipena emakumeen taldekoek. Merezita gainera. Taldea sortzea eta lehian hastea lortu dute, eta garaipenen laguntzarekin, dena errazago izango da. Zorionak, Munttarpe.