Iaz egindako proiektu pilotuaren arrakasta ikusita, Eskalada Eskola martxan jarriko dute aurten Girizia Mendi Taldearen, Gipuzkoako Mendizale Federazioaren eta Oiartzungo Udalaren elkarlanari esker.
![Elorsoroko rokodromoa](http://oarsoaldea.hitza.eus/site/files/2015/10/1.jpg)
Elorsoroko rokodromoan izango dira klaseak
Iaz egindako proiektu pilotuaren arrakasta ikusita, Eskalada Eskola martxan jarriko dute aurten Girizia Mendi Taldearen, Gipuzkoako Mendizale Federazioaren eta Oiartzungo Udalaren elkarlanari esker. Bi txanda egingo dituzte, lehenengoa otsaila bitarte eta bigarrena hortik aurrera. Lehenengo txandarako izena emateko epea gaur ireki dute. Ostirala bitarte (hilak 30) egongo da izena emateko aukera, Elorsoro kiroldegiko harreran. Izena ematen dutenei begira bilera egingo dute ostiralean beran, 18:00etan kiroldegiko rokodromoan.
Taldeak gehienez zortzi lagunekoak izango dira eta gutxienez seikoak. Taldeak adinka banatuko dituzte: 6-12 urte bitartekoak, 12-17 bitartekoak eta 18 urtetik gorakoak. 12-17 adin tartekoentzat hastapen maila eta maila aurreratua eskainiko dituzte.