Madrilera bidaia indarkeria matxista salatzeko

Bekoz Bekok antolatu du autobusa, udalaren laguntzaz

olatz mitxelena

2015/10/26

Indarkeria matxistaren kontra Madrilen egingo dute martxara batzeko deialdia egin du Bekoz Bekok, udalaren laguntzaz

Indarkeria matxistaren kontra Madrilen egingo duten martxara batzeko deialdia egin du Bekoz Bekok, udalaren laguntzaz

Indarkeria matxista “estatu-arazotzat” har dezaten lortzeko, Madrilen martxa deitua du Espainiako Estatuko mugimendu feministak azaroaren 7rako. Bekozko Beko talde pasaitarrak autobusa antolatu du, Madrilera joan, eta martxara batzeko. Gaur eguerdian egin dute deialdia, prentsaurreko bidez, udaletxean eta udalak babestuta. Esker ona agertu dio Bezkoz Bekok udalari, martxara joateko laguntza eman izanagatik. Autobusaren prezioaren erdia udalak hartuko du beregain, eta beste erdia martxara atxikitu diren inguruko emakume taldeek ordainduko dute. Bekoz Beko-rekin batera, Gaurko Andreak-ek (Irun), Malu Etxeak (Zumaia), Ebel-ek, Harituz-ek (Astigarraga) eta Hurralde fundazioak babestu dute Madrilgo martxa. Izena emateko epea autobusa bete bitartean izango da zabalik. Gaur aurreratu duenez, 44 plaza beteta dituzte jada. Antolatzaileek izena emateko hurrenkera errespetatuko dute. Interesdunek 20 euro ingresatu behar dituzte Kutxako ES68 2095 5061 4210 7223 kontu zenbakian –bidaiaren ondoren itzuliko diete dirua–. Kutxan dirua sartzerakoan, izen-abizenak eta herria adierazteko eskatu dute, autobusak non geratu behar duen jakiteko. Era berean, #Yovoy eta 7N adierazi behar dira kontzeptuan. Informazio gehiagorako 6986679332411 edo 943525613 telefono zenbakietara dei daiteke. “Feminizidioei stop” Deitzaileek indarkeria matxistak Espainiako estatuan hildako emakumeen kopurua nabarmendu dute. Salatu dutenez, “1995. urteaz geroztik terrorismo matxistak 1.378 emakume hil ditu” Espainian, eta aurten jada 7otik gora direla gaineratu dute. Edonola ere, “biolentzia patriarkala askotarikoa” dela ohartarazi dute eta hilketak “icebergaren punta” baino ez direla nabarmendu. Egoera larria izanda ere, “biolentzia matxistei aurre egiteko partidetan azken urtetan murrizketak etengabeak” izan direla salatu dute deitzaileek. Horregatik, “arazoari aurre egiteko behar adina bitarteko” jar daitezen eskatzeko eta “erakunde eta eragile sozialen konpromisoa” aldarrikatzeko batu dira emakume pasaitarrak Madrilgo martxara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.