Beramendirentzat bi urteko espetxe zigorra eskatu dute fiskaltzak eta herri akusazioak
Beramendiri udaletik hirigintzarekin lotutako ehundik gora txosten eraman izana leporatzen diote.
Bi urteko espetxe zigorra eskatu dute Martin Beramendi Hamaikabat taldeko Oiartzungo alkate ohiarentzat, Gipuzkoako Fiskaltzak eta herri akusazioak. Oiartzungo Udalak 2011 eraman zuen epaitegietara Beramendi, EH Bildu udalera iritsi zenean.
Beramendiri udaletik hirigintzarekin lotutako ehundik gora txosten eraman izana leporatzen diote. Orain, Beramendiren aurkako ahozko epaiketa hasiko dutela jakinarazi dute “agirien zaintzan desleialtasuna” leporatuta.
Prebarikazioagatik beste auzia
Herri epaimahai batek erabakiko du erruduna den edo ez auzi horretan. Bi urteko espetxe zigorraz gain, isuna eta inhabilitazioa ere eskatu dituzte Hamaikabateko alkate ohiarentzat, Gipuzkoako Fiskaltzak eta herri akusazio gisa aurkeztu den Oiartzungo Udalak.
Auzi horretaz gain, beste bat ere badu zabalik Beramendik. Azken hori, prebarikazioagatik. 
