Zapirain Anaiak eta Ibon Zabala bertsopaper lehiaketak martxan dira
Lanak jasotzeko azken eguna hilaren 28a da, eta sari banaketa abenduaren 30ean egingo dute.
Xenpelar bertso eskolak martxan jarri ditu Zapirain Anaiak Saria eta Ibon Zabala Saria bertsopaper lehiaketak. Zapirain anien omenezko sariak XXVII. aldia du honakoa, eta Ibon zabalaren omenezkoak berriz XVII. aldia. Lehiaketetan bi maila izango direla zehaztu dute antolatzaileek, bata 16 urte arteko gazteei begira eta bestea, 17 urtetik gorakoentzat.
Lanak Lau Haizetara Euskaltzaleon Topagunearen egoitzara helarazi beharko dituzte interesdunek posta arruntez (Pablo Iglesias kalea 11) edo 181 Posta Kutxara. Posta elektroniko bidez ere bidal daitezke lanak. Informazio gehiago behar dutenek berriz, Lau Haizetararen egoitzara jo beharko dute eta bertako 943 34 01 43 telefono zenbakira deitu. Lanak jasotzeko azken eguna hilaren 28a da, eta sari banaketa abenduaren 30ean egingo dute.
