Herriko puntu ilunak jomugan

Arriskutsuak izan daitezkeen guneak, eta arriskuaren sentsazioa sor dezaketen tokiak identifikatzeko bilerak antolatu dituzte

olatz mitxelena

Pasaia

2015/11/03

Irudian Lezoko puntu ilunetako bat; Eskalerrillasen bada antzeko beste bat

Oarsoaldean emakumeentzat egon daitezkeen puntu ilunak identifikatzeko parte hartzeko prozesua martxan jarri dute, Lezoko Udalak bultzatuta, Emakunde eta Oarsoaldearen laguntzarekin, eta Errenteria, Pasaia eta Oiartzungo udalekin elkarlanean. Emakumeen ikuspuntua kontuan izanda, puntu ilunak identifikatu nahi dituzte, eta horretarako, herrietan arriskutsuak izan daitezkeen guneak, edota arriskuaren sentsazioa edo deserosotasuna sortu dezaketen tokiak identifikatzea da asmoa. Aipatu tokiak identifikatu eta gero, horiek desagerrarazteko edo konpontzeko proposamenak egitea da diagnostikoaren helburua. Helburu horrekin eskualdeko lau herrietan lantaldeak jarriko dira martxan. Pasaian, zehazki, bi talde ariko dira, eta bakoitzarekin bi ordu inguruko bi saio egingo dituzte. Lantaldeetan herrian bizi direnek edo herriko kaleak erabiltzen dituzten emakumeek har dezakete parte, banaka, edo elkarteetako partaide modura. Adin guztietako emakumeak parte hartzea da asmoa. Parte hartzeko bileretara agertu besterik ez da egin behar. Bileren egutegia Antxon:

Eguna: hilaren 12an, osteguna.
Eguna: hilaren 26an, osteguna.
Tokia: Antxoko Azokan, 9. gelan
Ordutegia: 17:30-19:30.

Trintxerpe:

Eguna: Etzi, hilaren 5ean, osteguna.
Eguna: abenduaren 3an, osteguna.
Tokia: Trintxerpeko Alkateordetzan.
Ordutegia: 17:00-19:00.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.