Eskualdeko puntu ilunak identifikatzeko saioak antolatu dituzte

Herriz herri bilerak antolatu dituzte, emakumeekin

oarsoaldea

2015/11/06

Irudian Lezoko puntu ilunetako bat; Eskalerrillasen bada antzeko beste bat

Oarsoaldean emakumeentzat egon daitezkeen puntu ilunak identifikatzeko parte hartze prozesua abian da eskualdean, Lezoko Udalak bultzatuta, eta Emakunde eta Oarsoaldearen laguntzarekin. Errenteriako, Oiartzungo eta Pasaiako udalak ere parte hartzen ari dira, lantaldeak dinamizatuz. Herrietan emakumeen ikuspuntutik arriskutsuak izan daitezkeen guneak, edo arriskuaren sentsazioa edo deserosotasuna sortu dezaketen tokiak zerrendatzea da asmoa. Horrez gain, antzemandako toki horiek desagerrarazteko edo konpontzeko proposamenak jasoko dituzte. Herriz herri, lantaldeak osatuko dituzte horretarako. Lantaldeetan bakarka edo elkarteetako partaide modura parte har daiteke. Adin guztietako emakumeak biltzea da asmoa, eta bileretara agertzea nahikoa da parte hartu ahal izateko. Bileretara joateko aukera ez izatekotan, bada zeharka parte hartzeko modua, partaideen informazioa komunikazioa@oarsoaldea.net posta elektronikora igorrita. Bileren egutegia Pasaia Antxo. Hilaren 12 eta 16an, Azokako 9. gelan. . Trintxerpe. Abenduaren 3an, 17:00etan, alkateordetzan. Errenteria-OreretaIztieta, Olibet eta Parte Zaharra. Hilaren 10 eta 20an, Merkatuzarren, 17:30ean. . Agustinak, Gaztaño: Hilaren 13 eta 24n, Fondo Formacion Euskadin (Agustinen etorbidea, z/g), 17:30ean. Pontika, Beraun, Galtzaraborda, Alaberga: Hilaren 19 eta 27an, Erlontziren egoitzan (Jose Maria Usandizaga 2-4 atzea, 1. solairua, ezkerra) 18:00etan. Oiartzun Datak. Hilaren 23an eta 30ean, 18:00etan, bibliotekan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.