Euskara eskola bereziak antolatu ditu Ttur-tturrek

Hilaren 30a da izena emateko azken eguna; aurten berritasunak daude.

eihartze aramendia

2015/11/12

Merkatari eta ostalariekin euskara ikastaroak

Merkatari eta ostalariekin egindako ikastaroa, artxiboko irudian

Merkatari eta ostalarientzako euskara eskolak antolatu ditu aurten ere Ttur-ttur Euskaltzaleon Bilguneak. Izena eman nahi dutenek, hilaren 30a bitarte dute aukera. Aurten berritasunak daudela jakinarazi dute antolatzaileek. Ohiko oinarrizko ikastaroaz gain (60 ordukoa), dagoeneko hizkuntza ezagutzen dutenei bideratutako mintzapraktika ikastaroa egongo da (60 ordukoa). Horrez gain, tokia ere berria izango da, aurten Mamut eraikinean izango dira eskolak, Oarsoaldea Garapen Agentziaren gela batean. Ikastaro bakoitzak 100 euro balio du, udalak, baina, erdia ordainduko du hasierak eta hainbat baldintza betez gero, %70era arte ere finantzatzen du. Eskola egunak eta orduak izena ematen dutenen artean erabakiko da. Irakasleak Intxixu AEK euskaltegiko irakasleek emango dituzte. Herriko merkatari eta ostalariei gutuna bidali bazaie ere, jaso ez duen baten batek interesa edukiko balu, Ttur-tturrekin harremanetan jarri behar du. Horretarako hainbat bide daude: posta elektronikoz, telefonoz (943 26 01 82) edo bulegora hurbilduta (Fermiñene Etxea, Aialde 2, 1. solairua).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.