Filmak oinarri hartuta, mozorrotuko da Errenteria-Orereta
Iniziatibarekin Inauteri parte hartzaileak lortzea du helburu batzordeak.
Errenteriarrek hartu dute erabakia, eta inauterietako batzordeak emandako sei aukeren artean, filmeak hautatu dituzte Inauterietan udalerria mozorrotzeko. Atzo arratsaldean eman zuen emaitzaren berri inauterietako batzordeak egindako agerraldian eta pozik agertu zen errenteriarren parte hartzearekin. izan ere 1.370 bozka jaso dituzte guztira gaia aukeratzeko, 486 internet bidez eta 884 hainbat gunetan jarritako buzoietan. “Iazko parte hartzearekin alderatuta, nabarmen egin du gora aurtengoak, 847 bozka jaso genituen iaz”.
Oilarqueen, Asteme eta Katuko
Iniziatibarekin Inauteri parte hartzaileak lortzea du helburu batzordeak, “Inauteri koloretsuak nahi ditugu, eta jendez beteta nahi ditugu kaleak. Herritarren parte hartzeari garrantzi berezia ematen diogu eta horregatik antolatu dugu aurten ere, datozen Inauterietakorako gaia aukeratzeko herri galdeketa”.
Aurten gainera Oilarqueen, Asteme eta Katuko pertsonaiek bat egingo dutela Errenteria-Oreretako Inauteriarekin jakinarazi zuten atzoko agerraldian batzordekideek, eta taberna, saltoki, kuadrilla, eta norbanakoei filmak ardatz hartuta mozorroak prestatzeko eskatu diete. Egitarau zabla eta anitza osatzeko lanean ari direla gaineratu zuten azkenik, “herritar guztien gozamenerako”.
Bozketaren emaitza
- Munduko Kulturak 147
- 70. hamarkada 193
- Filmak 441
- Marrazki bizidunak 159
- Pottokiak 315
- Itsasoa 115
