'Oasis' filmak irabazi du Ikuska
Mintzagun Saria, Ariz Alberdiren 'Brunilda' lanarentzat izan da
Sariak banatuz eman zioten lehengo larunbatean bukaera Ikuska 2015ari. Carmen Jimenezek zuzendutako Oasis lanak irabazi du Film Labur Onenaren Saria.
Zuzendari Onenari Saria, berriz, Rungano Nyoni eta Hamy Ramezan-entzat izan da Listen lanarengatik.
Epaimahaiaren Sari Berezia, Chistophe M. Saber zuzendutako Distipline lanak eskuratu du, eta, No et Iris, Encara lana izan da publikoari gehien gustatu zaiona.
Emakume Aktore Onenaren Saria Sonia Almarchak irabazi du, Daniel Remonek zuzendutako Los Càrpatos lanarengatik, eta Gizon Aktore Onenaren Saria, berriz, Noomen Handiak, Padre filmean egindako lanarengatik.
Euskarazko lan onenari ematen zaion Mintzagun Saria, azkenik, Eriz Alberdiren Brunilda lanarentzat izan da.
Aurten, 1000 lan baino gehiago jaso dituzte Ikuskako antolatzaileek, eta horietatik 42 hautatu dituzte lehiaketarako. Epaimahaian, Moriarti ekoiztetxeko Jorge Gil, Pablo Malo zine zuzendaria, Euskal Filmotekako kide Nere Pagola eta Ikuskako zuzendari Kike Santiago izan dira.
Erakusleiho lehiaketa
Altzibar kristaldegiak irabazi du Ikuskarekin batera urtero antolatzen duten erakusleiho lehiaketaren sari nagusia. Irungo Kuntshal eskolako Julio Irazabalbeitiak eta Juan Yanezek diseinatu dute erakusleihoa. Paco Rabanne Saria eskuratu dute, hau da, Parisera bidaia diseinatzailearen lana bisitatzeko aukerarekin.
Bezeroek, berriz, Modas Molonaren erakusleihoa izan dute gustukoen. Kuntshal eskolako Ander Sanchez Cayetanok eta Iratxe Goikoetxea Bernalek diseinatu dute erakusleihoa, eta sari gisa, Pasaiako komertziotan erosteko 600 euro jaso dituzte.
