Euskara plana indarrean duten enpresek topaketa egin dute
Oarsoaldea Garapen Agentziari tokatu zaio euskara normalizatzeko etxe barruan egin dituen lanen berri ematea aurten.
OLA sistemaren bidez euskara plana indarrean duten Oarsoaldeko enpresek topaketa egin zuten joan den ostegunean Pasai San Pedroko Albaola Itsas Kultur Faktorian. Oarsoaldea Garapen Agentziari tokatu zaio euskara normalizatzeko etxe barruan egin dituen lanen berri ematea aurten. Horren harira, agentziaren euskara lantaldeko kideek eman zuten esperientziaren berri. Topaketan izan ziren euskara planak dituzten Oarsoaldekogainerako enpresen ordezkariak, udal teknikariak, Emun aholkularitza enpresako teknikariak eta euskalgintzako hainbat kide. Ibilbidean izan dituzten zailtasunak aipatu zituzten parte hartzaileek, eta horie nola egin dieten aurre.
Solasaldi irekia egin zuten aurkezpenaren ondoren eta Jon Maia bertsolari eta idazleak, euskaldunen eta erdaldunen arteko bizikidetzaren eta begirunearen aldeko aldarria egin zuen hitzaldi labur batean.
