Aldundiak 859.000 euro inbertituko ditu Pasaian

Hasteke dauden lan guztiak aurten abiatuko direla iragarri du udalak

olatz mitxelena

Oarsoaldea

2015/12/04

Nahikari Otermin eta Izaskun Gomez, Arizabalon

Aldundiak Pasaiara bideratuko duen dirua zertan inbertituko duten zehazteko agerraldia egin dute gaur goizean Arizabalon Izaskun Gomez alkateak eta bere gobernukide Nahikari Oterminek. Zehaztu dutenez, 859.000 euro bideratuko ditu Pasaiara aldundiak. Diru horren zati bat aurrez eginak dauden lanak edota jada finantzatuak zituztenak ordaintzeko erabiliko dutela esan dute. Gainontzekoa aurten abiatuko diren hainbat ordaintzeko baliatuko dute. Egindako eta finantzatutakoen artean ondorengoak aipatu dituzte: JJ Otaegi plazako estaldura; Trintxerpeko Gaztelekua, Luzuriagako aparkalekua, Luzuriagako jolas lekuaren itxitura eta Trintxerpeko azokako igogailua. Egingo dituzten lanen artean berriz, ondorengoan zerrendatu dituzte:

San Roke kaleko lanak: kostua guztira 50.000 euro; Aldundiak 42.000 euro jarriko ditu.
Mendi magalen egonkortzea: 27.114 euro; Aldundiak 22.775 euro jarriko ditu.
Jaizkibelgo ur hoditeriaren berritzea: 145.200 euro; Aldundiak 109.000 euro ordainduko ditu.
Urrestarazu kalearen urbanizazioa: 130.680 euro; 100.000 aldundiak jarriko ditu.
Andonaegiko biribilgunea: 60.500 euro; 50.000 euro aldundiaren eskutik.
Bordaenea kaleko zoladuraren konponketa: 54.450 euro guztira; aldundiak 45.738 jarriko ditu.
Aranederren kirol pisten egokitzapena: 130.810 euro; Aldundiak 100.000.
Antxoko Ibaiondo pilotalekuaren kantina hornitzea: 108.900 euro; 91.476 euro aldundiaren eskutik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.