Igandean Durangora joateko deia egin du Ernaik
Espainiak itotzen gaituelako bagoaz lemapean manifestazioa egingo du Ernaik igandean Durangon 19:00etan Landako gunetik abiatuta, eta bertan izango dela esan Oreretako gazte antolakundeak.
Espainiak itotzen gaituelako bagoaz lemapean manifestazioa egingo du Ernaik igandean Durangon 19:00etan Landako gunetik abiatuta, eta bertan izango dela esan Oreretako gazte antolakundeak. Irakurketa ere egin du Oreretako Ernaik deialdiaren harira, eta gogor salatu ditu krisia amaitzen ari dela esaten dutenak, “gure bizi baldintzak kaxkarrak badira gure errua dela sinistarazi nahi digute. Errealitatea ordea, zeharo ezberdina da, kapitalismoaren egiturazko krisia ez dute konpondu, eta burgesek aberasten jarraitzen dute langileriaren zein herri sektoreen pobretze orokorrari esker”.
Estatus politikoaren gainean ere mintzatu da gazte antolakundea eta Frantzia zein Espainiako Estatuen jarrera ukazioa dela nabarmendu dute, “ez dute nahi herri honek bere etorkizuna erabakitzea”. Estatuek itxikeriarekin erantzuten diotela gatazkaren ondorioei ere aipatu du Oreretako Ernaik, eta horien guztien aurrean erantzuteko modu positibo bakarra herritarren aktibazioa eta mobilizazio soziala direla esan dute, “bide horretan jarraitu behar dugu behar denean tenkatuz, gaia agenda politikoaren erdigunean kokatzeko”.
Azken helburua Euskal herriarentzat burujabetza ososa lortzea duela esan du bestalde, gazte antolakundeak, “Euskal estatu euskaldun, sozialista eta feminista erakitzeko apustua egin dugu, eta hori lortzeko askapen mugimendutik oriozesu eratzailea abiatzeko apustua egin dugu. Erabaki ahalmena herritarren eskuetan jarrita, independentziaren aukerari atea zabaltzearekin batera, sistema politiko, ekonomiko eta oro har, bizitza erdigunean kokatzen duen proiektu soziala eraikiko dugu”.
Prekarietatik badoala esan du Ernaik, azkenik, eta baita ukaziotik eta zapalkuntzatik ere, eta gazte guztiak animatu ditu “aske izan nahi dugulako, ez dugulako inorren baldintzarik behar bizi ahal izateko, gure hizkuntzan bizi ahal izateko”.
