'Pres@ dugu' iniziatibarekin, Gogorza, Perez eta Arrieta etxeratzeko aldarria egingo dute Gaztañon

2015/12/10

Aitzol Gogorzaren aldeko giza katea egin zuten udaran

Aitzol Gogorza, gaixotasun larri eta sendaezina duen Oreretako presoa etxeratzea presazkoa dela esango dute Gaztañon larunbatean, eta baita preso dauden auzo bereko Eider Perez eta Mikel Arrieta presoak ere. Horren harira Pres@ dugu iniziatiba antolatu dute, egun osoko dinamika eta egitarau zabala prestatu dute horren barruan auzotarrek. Goizean hasiko dira ekintzak txikienei begirako jolasak eta postalak egiteko tailerrarekin, eta 10:30etik aurrera abiatuko da futbito txapelketa ere. Dastaketa eta bideo emanaldiak, bideokolla bertaratzen direnen iritziak bideoan grabatzeko, dastaketak eta kafe tertulia ere antolatu dituzte gaztañoko bizilagunen aldarrikapena eta jaia utzartuko dituen egitarauan. Azken hori, 16:30ean hasiko da eta Oihana Barrios psikologoarekin batera kartzela eta amatasuna, kartzela eta buruko gaitzak, eta kartzelaren ondoren zer? gaietaz mintzatuko dira tertulian parte hartzen dutenek. 19:00etan izango da ekitaldi nagusia. Txalaparta hotsek emango diote hasiera, eta bertsolariak ere ez dira faltako. Oreretako sortzaile talde batek, berriz, Harria ekintza politiko teatrala eskainiko du. Eguna amaitzeko berriz, afari merienda egingo dute bildutakoek eta baita mural margoketa ere, horretarako, patata tortilak emateko eskatu dute antolatzaileek. Basauriko espetxean dago Gogorza. Mikel Arrieta berriz, Algecirasko espetxean dago (Andaluzia, Espainia), eta espetxe horretara mugitu berri dute Perez Cordobako espetxetik. Gaztañoko bizlagunek herritar guztiak deitu dituzte iniziatibarekinbat egin eta auzora hurbiltzera larunbatean. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.