Hilaren 27an egingo dute elkaratsun maratoia Galtzarabordako kiroldegian Kirol patronatuak eta Serviocio enpresak antolatuta.
Body combat saio bat Galtzarabordako kiroldegian
Gabonetako Ekartasun Maratoia egingo dute hilaren 27an Galtzarabordako kiroldegian Kirol patronatuak eta Serviocio enpresak antolatuta. Kirol eta elkartasuna uztartu dituzte maratoiaren barruan, batetik kirol festa egin nahi dutelako antolatzaileek, eta bestetik, bildutako diru guztia Gurutze Gorriari bideratuko diotelako. Errenteriako Gurutze Gorriak lan handia egiten duela beraien inguruan, eta elkartasun ekintzaren bidez lan horretan jarrai dezan baliabideak eskaini nahi dizkiotela esan dute antolatzaileek.
Hiru orduko iraupena izango du maratoiak, 10:00etan hasi eta 13:00etan amaituko da, eta parte hartzailleek zumba, body combat eta aerobik saioak tartekatuko dituzte. Ekitaldian parte hartzeko 6 euro ordaindu behar dira. Kirol Patronatuko bazkideek dagoeneko izena ematea dute kiroldegiaren harreran edota 943 44 96 90 telefono zenbakira deituta. Bazkide ez direnek hilaren 14tik aurrera eman ahalko dute izena.