Iztieta-Ondartxo auzo aktibo izango da bihar
Iztieta-Ondartxo auzo aktiboa egitasmoaren barruan egun osoko egitarau kulturala prestatu dute biharko auzo horretako eragile, elkarte zein norbanakoek.
Iztieta-Ondartxo auzo aktiboa egitasmoaren barruan egun osoko egitarau kulturala prestatu dute biharko auzo horretako eragile, elkarte zein norbanakoek. 11:00etan hasita Iztieta pasealekuan bigarren eskuko merkatua egingo dute eta 40 postu izango dira bertan. Jatekoak ere ez dira faltako eta Nikaragua, Maroko, Euskal Herria edota Nigeriako taloak dastatu ahal izango dituzte bertaratzen direnek.
Egun osoan zehar, gainera, haurrei begira jokoak eta puzgarriak izango dira Iztieta-Ondartxon eta baita tailerrak ere. Errenteriarekin edota inguruarekin zerikusia duten bi film emango dituzte egitarauaren barruan, dantza ikastaroak eta elkarbizitzarako gimnasioa gunea jarriko dute Pasaia kalean. “Egun osoan zer gozatu izango da eta herritar guztiak animatu nahi ditugu parte hartzera”.
