Anfibio eta narrastien gaineko hitzaldia emango du Aranzadik

Larunbatean Baratza Parkean izango dira Aranzadiko kideak 10:00etatik aurrera, anfibioentzat bertan egokitu duten putzuan.

Ikerne Zarate Gartziarena

Lezo

2015/12/16

Baratza Parkean sortutako hezegunea

Lezoko anfibioen eta narrastien kontesrbazio egoerak hobera egin dezan elkarlanean ari dira Aranzadi Zientzia Elkartea eta Lezoko Udala, eta horren harira hitzaldia egingo du bihar (osteguna) eta larunbatean elkartearen herpetologia saileko kidea den Ion Garin-Barriok. Hainbat jarduera eta laginketa egin dituzte Aranzadiko herpetologia saileko adituek eta horien berri emango du Garin-Barriok udal liburutegian 19:00etan Lezoko anfibio eta narrastiak; egungo egoera eta euren kontserbaziorako etorkizuneko ekintzak hitzaldiaren barruan. Larunbatean Baratza Parkean izango dira Aranzadiko kideak 10:00etatik aurrera, anfibioentzat bertan egokitu duten putzuan. Aranzadik zein udalak dei egin diete herritarrei bertaratzeko, “gure jarduerak bertatik bertara ikusteko aukera izango baitute, eta baita ekimen berrietan parte hartzeko aukera ere”. Interesdunek izena eman behar dute aurrez mezua bidaliz, edota 943 46 61 42 telefono zenbakira deituta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.