Kriseiluak piztuko dituzte, "erabakia argitzeko"

Hilaren 26ko ilunabarrean kriseiluen argitasunarekin Oiartzungo zerua argituko dute Gure Esku Dago-k antolatuta. 20:00etan izango da ekitaldia.

eihartze aramendia

Oiartzun

2015/12/18

Kriseiluz bete nahi dute zerua

Hilaren 26ko ilunabarrean kriseiluen argitasunarekin Oiartzungo zerua argituko dute Gure Esku Dago-k antolatuta. 20:00etan izango da ekitaldia, Madalensoron eta kriseiluak hainbat tokitan erosteko aukera izango da 2,5 euroren truke: Garmendi txokolategian, Txerri Egunean jarriko duten postuan (bihar, hilak 19), hilaren 24an Doneztebe plazan eta hilaren 26an bertan 18:00etatik aurrera. Truk txapelketa Xanisteban egunean bertan ere Truk txapelketa antolatu du erabakitzeko eskubidearen aldeko ekimenak. Madalensoron izango da 16:30etik aurrera. Izen ematea ordu laurden lehenago itxiko dute eta parte hartzeko 15 euro ordaindu beharko dira (errepeska barne). Txapelketa nagusiko sariak hauek izango dira: lehenengoek txapela eta bazkari edo afaria bi lagunentzat Zuberoa jatetxean. Bigarrenek, mariskada eta bi txanpain botila. Hirugarrenek arkumea eta bi ardo botila. Laugarrenek lau txuleta eta bi ardo botila. Eta bosgarrenek bi legatz eta bi ardo botila. Errepeskako sariak hauxe izango dira: lehenengoek bazkaria edo afaria bi lagunentzat Gurutze-Berri jatetxean. Bigarrenek arkumea eta bi txanpain botila. Hirugarrenek lau txuleta eta bi ardo botila eta laugarrenek bi untxi eta bi ardo botila.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.