San Tomasetan baserritarrena izango da Saldise plaza
Lezoko ikastetxeetako ikasleek egindako lana ikusteko aukera ere izango da 13:00etatik aurrera beraiek egindako txorimaloak izango dira-eta Saldisen.
Igandean ospatuko dute San Tomas Lezon etaurtero bezala, baserritarrak izango dira nagusi San Tomas plazan. Munttar txistulari taldearen kalejirarekin hasiko da eguna 11:00etan. Ordurako azoka bihurtuta egongo da Saldise. Aurten Lezoko 12 baserritako produktuak salduko dituzte beste hainbeste postutan. Bertan izango dira Peliar, Iribarren, Juan Martindegi, Piri, Harriaundi, Mihura, Olamarta, Zunoyar hazitegia, Matejuane, Txerrimuño eta Borda Goizargi baserrietako produktuak ikusi eta erosteko.
Horiekin batera beste zortzi postu izango dira plazan, txerrikiak, pastelak, erroskilak, barazkiak erosteko eta baita Kilometroaken aldekoa ere. Taloak eta txistorra pintxoak ere erruz zerbitzatuko dituzte plazan jarriko duten tabernan.
Txorimalo erakusketa
Lezoko ikastetxeetako ikasleek egindako lana ikusteko aukera ere izango da 13:00etatik aurrera beraiek egindako txorimaloak izango dira eta plazan. Dantzarako aukera ere ez da faltako antolatzaileek jakinarazi dutenez, dantza herrikoien emanaldia izango da eta herrian zehar goiz guztian. 
