VI. Mariasun Landa sariak martxan dira

2016ko urtarrilaren 29a baino lehen aurkeztu beharko dituzte Errenteriako Udalaren erregistroan lanak sariketan parte hartu nahi dutenek.

Ikerne Zarate Gartziarena

Errenteria-Orereta

2015/12/18

Ainhoa Palomo Zabala, Mariasun Landarekin. Aurtengo irabazleetako bat izan da Palomo.

Errenteriako Berdintasun Arloak eta Berdintasunerako Kontseiluak Mariasun Landa Sarien seigarren aldia jarri du martxan. Bi sari banatuko dira lehiaketaren barruan, Emakumezkoen begirada lanik onena eta Emakumezkoei begirada lanik onena. Bi irabazleetako batek gutxienez euskaraz idatzia beharko du izan. Biek 350 euroko saria dute, eta gainera, 2016ko Oarso aldizkarian argitaratuko ditu udalak. 2016ko urtarrilaren 29a baino lehen aurkeztu beharko dituzte Errenteriako Udalaren erregistroan lanak sariketan parte hartu nahi dutenek, eta oinarriak udalaren webgunean kontsulta daitezke. Errenteriako Berdintasun Planaren barruan kokatzen da sariketa, eta gizartearen arlo ezberdinetan emakumeek udalerriari egindako ekarpenaren berri emango duten idazlanak sustatu, aitortu eta saritzea du helburu eta herri kronika osatzea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.