Hogei sortzaile turkiar XX.12 cm erakusketan
Igandera arte egongo da zabalik erakusketa, Ertin, San Pedroko Udal Aretoan
Pasaiako Udalak eta Kultura Departamentuak gonbidapena luzatu die herritarrei, San Pedroko Udal Aretoan ikusgai dagoen 12 cm erakusketa bisita dezaten: “Pasaitarrak eta bisitatzen gaituzten gainontzeko herritarrak gonbidatu nahi ditugu erakusketara, bere aniztasun eta aberastasun artistikoak hunkitzen duelako, eta dibertigarria eta harrigarria izateaz gain, ez duelako inor epel uzten”. Igandea da erakusketa bisitatu ahal izateko azken eguna.
Urtero antolatzen du Pasaiako Udalak 12 cm erakusketa, eta egile askok urtero-urtero erakusten dituzte beren lanak udal aretoan, beti ere, aurrez ezarritako tamainari egokituak. Aurten 170 artisten lanak ikus daitezke Ertin.
Berritasuna Turkiak jarri du aurten, herrialde gonbidatu gisa. Hogei artista turkiar erakutsi dituzte aurten San Pedron beren artelanak.
Pasaia utzi ondoren, Hendaian bisitatu ahal izango da 12 cm erakusketa, otsailean eta martxoan.
Ordutegia:
- Larunbata bitartean, egunero, 18:30etik 20:30era.
- Igandean, 11:30etik 13:30era.
