Inauterietako herri bazkarirako txartelak salgai, gaurtik
Inauteri batzordeak herritar guztiak deitu ditu herri bazkarian parte hartzera. Aurtengo Inauterien gaia diren filmak oinarri hartuta mozorrotzeko ere eskatu die.
Inauteri batzordea buru belarri ari da lanean hainbat ekintza prestatzen. Horien artean eta joan den urteko arrakasta kontuan izanda, herri bazkaria antolatu dute aurten ere. Otsailaren 6an. larunbatarekin izango da bazkari hori Merkatuzarren, eta bertan parte hartzeko txartelak salgai jarri dituzte gaurtik hasita. Ohiko menua, menu beganoa eta haurrei begirakoa antolatu dute. 15 euro balio dute lehenengo bietarako txartelek, eta 10 euroan salduko dituzten haurrei begirakoak.
Reyna taberna, Xera Gastroteka, Aralar taberna eta Xenpelar Kultur dendan daude salgai herri bazkarirako txartelak eta erosteko azken eguna hilaren 30a izango da. Menu beganoaren aldeko apustua egiten dutenek, berriz, Sindikato tabernan erosi beharko dute txartela.
Inauteri batzordeak herritar guztiak deitu ditu herri bazkarian parte hartzera. Aurtengo Inauterien gaia diren filmak oinarri hartuta mozorrotzeko ere eskatu die. Bazkalostea girotzeko, mozorro lehiaketa egingo dute.
Honakoak prestatu dituzten hiru menuak:
Helduentzako menua
- Entsalada
- Askotariko iberikoak
- Txerri kostilla parrillan
- Torrijak
- kafea
- Edariak
- Espinaka kroketak
- Barazki pastela
- Lasaña begetala
- Tiramisua
- kafea
- Edariak
- Kroketak
- Oilaskoa patatekin
- Torrijak
- Edaria
