Asteburuan jardunaldi bikoitza jokatu dute bateletan; larunbatean Donibane Lohizunen eta atzo Pasaian

Gipuzkoako Batel Ligako 3. jardunaldia Donibane Lohizunen, Urdazuri ibaian
Gipuzkoako batel ligako bi estropada izan dira asteburuan. Larunbatean Donibane Lohizunen izan zen estropada, Urdazuri errekan, eta aurreko estropadetan bezala, nesken hiru kategorietan -Haurrak, Promesak eta Jubenil Absolutuak edo seniorrak– Hibaikako emakumeak izan ziren azkarrenak. Senior nesketan bi talde ari dira lehian. Koxtapeko neskek beren taldeko estropada irabazi zuten Senior kategorian. Seniorretan, mutiletan, sanjuandarrek beren nagusitasuna berretsi zuten; Jubeniletan Hernanik irabazi zuen eta Kadetetan eta Haurretan Orio.
Pasaian, Hibaikako neskek beren nagusitasun erakutsi zuten beste behin, hiru kategorietan garaipenak errepikatuz. Koxtapeko emakume seniorrek, aldiz, atzo bigarren postuarekin konformatu behar izan zuten, Tolosaldeak aurre hartuta. Mutiletan, senior sanjuandarrek parte hartu ez, eta donostiarren batelak irabazi zuen estropada; Jubeniletan Getariak, eta larunbatean bezala, Kadete eta haurretan oriotarrak nagusi.
Larunbateko sailkapena
Igandeko sailkapena