Pantaila handitik kalera irtengo da Inauteria

Inauteri batzordeak atzo aurkeztu zuen "auzolanean eta herritik herriarentzat" prestatu duen egitarau zabala.

2016/01/26

Inauteri batzordea

Inauteri batzordeak atzo aurkeztu zuen “auzolanean eta herritik herriarentzat” prestatu duen egitarau zabala. Joan den urritik buru belarri aritu dira lanean Inauterien egitarau zabala eta koloretsua antolatzeko batzordeko kideak. Hilaren 30ean iragarriko dituzte Inauteriak Hungariatik zartagin eta mailuekin helduko diren kaldereroek, eta otsailaren 14an Iñude eta artzaien desfilearekin amaituko dira. Tartean, hamaika ekimen, izango dira adin guztietako herritarrei begira eta horietan parte hartzera animatu ditu batzordeka errenteriar guztiak. Nabarmendutakoen artean Inauterien hasiera ekitaldiari tarte berezia eskaini zion batzordeak atzoko agerraldian: “Otsailaren 4an 20:00etan hasiko da festa eta ekitaldi berezia izango da herriko plazan. Azeri dantzaren lagunak udaletxeko balkoira irtengo dira jaia hasteko. Azeri dantza koloretsua izango da ondoren”. Herri bazkariari ere egin zion aipamen berezia atzoko agerraldian batzordeak. Otsailaren 6an izango da 14:00etan merkatuzarren. Txartelak hilaren 30a arte eros daitezkela ekarri zuten gogora. Tabernen arteko mozorro lehiaketa aipatu zuten azkenik, eta horren harira irabazlea arte ederretan aditua den talde batek erabakiko badu ere, ehrritarren saria ere banatuko dutela ekarri zuen gogora batzordeak. Horretarako otsailaren 4an hasi eta 9an amaituko da mozorrorik gustukuena aukeratzeko bozketa, eta botua Herri Biziaren webgunean eman beharko dute interesdunek. Guztira 12 tabernek eman dute izena mozorro lehiaketan parte hartzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.