Larunbatean 14:00etan moztuko dute trafikoa erdialdean, eta igandea 21:00ak arte izango da itxita.
![Inauteriak Errenteria-Oreretan](http://oarsoaldea.hitza.eus/site/files/2013/02/DSC_01831-e1452601154735.jpg)
Trafikoa aldaketak eta mozketak izango dira larunbatean eta igandean Inauteriak direla eta. Larunbatean 14:00etan moztuko dute trafikoa erdialdean, eta igandea 21:00ak arte izango da itxita. Mozketak Maria de Lezo, Xenpelar, Foru plaza, Pablo Iglesias, Alfontso XI, eta Biteri kaleei eragingo die, eta hori dela eta larunbateko 12:00etatik aurrera autoak kale horietatik kentzeko eskatu die herritarrei Udaltzaingoak.
Tulle kalea eta Nafarroa hiribideari ere eragingo diete trafiko aldaketek. izan ere, bi horiek trafikoari itxita egongo dira larunbatetik. larunbateko desfilea 18:30ean hasio da eta igandekoa 12:00etan eta ordu erdi lehenago honako kale hauek moztu egingo dituzte udaltzainek: Beraun kaleko bideguritzea Arramendi kalearekin, Aiako Harria, Aralar plaza, Galizia biribilgunea eta Lartzabal.
Gidariei bide alternatiboak erabiltzeko eskatu die Udaltzaingoak, N-1 errepidea auzoetara joateko. Jaien eremu barruan garajeak dituzten herritarrek, horrelakoetan erabili ohi dituzten sarbideak erabili beharko dituzte. Nafarroa etorbidearen 27 eta 19. zenbakiko aparkalekuetan aparkatzen dutenek berriz, ontuan hartu beharko dute desfilea egin bitartean ezingo dutela bertara sartu.
Autobus geltokiak ere aldaketekin
Garraio publikoak ere ergingo dute aldaketek, eta Morrongilleta eta Xeneplarreko autobus geltokiak Tulle kalera aldatuko dituzte. Zumardian, Gabierrotan eta Lartzabalen dauden geltokiak berriz, Diputazio plazara aldatuko dituzte.