Salaketatik harago jendarte eredua eraldatu behar dela dio EH Bilduk "indarkeria eta eraso matxistekin" amaitzeko.
Eraso sexistak sEraso sexistak salatzeko manifestazioa egin zuten astelehenean Errenteria-Oreretan Mugimendu feministak deituta.alatu dituzte.
Joan den astean Errenteria-Oreretan izandako bi eraso sexistak salatu ditu EH Bilduk. salatzea ez dela nahikoa, eta halako jarrerekin amaitzeko “jendarte eredua irauli beharra” dagoela eta horren aldeko konpromiso irmoa azaldu du koalizio subiranistak: “emakumeen bizitza duina, askea, burujabea eta parekidea lortzeko dugun konpromiso irmoa adierazi nahi dugu”. Eredu berriak eraikitzeko konpromisoa hartu du horren harira, eta emakume eta mugimendu feministekin batera elkarlanean jarraitzeko asmoa ere azaldu du, eta herritarrei jarrera aktiboa izan dezaten galdegin die eredu aldaketa hori gauzatzeko garaian.
Indarkeria eta eraso matxistak ezin direla gertaera isolatu gisa ulertu gaineratu du bestalde, “sistema patriarkalaren adierazpen dira, sistemaren ernamuinean, patriarkatuaren DNAn dagoen indarkeria mota da, egiturazkoa eta sistemak funtzionatzeko ezinbesteko tresna. Indarkeria matxista egiturazkoa dela diogu indarkeria mota honen oinarrian ordena soziala bera dagoelako, indarkeria mota hau sostengatu, sustatu, babestu eta ahalbidetzen duen sistema oso bat”.
Orereta-Errenteriako EH Bildurentzat lehen mailako arazoa dela indarkeria matxista gaineratu dute, “eta oraindik ere ezkutuan mantentzen den indarkeria bada ere, ez da inola ere esparru pribatuari dagokiona. arazo estrukturala den neurrian, erantzunak ere integralak izan behar dute”.
Indarkeriaren prebentzioan ahalegina
Prebentzioa “ezinbesteko tresna” dela iritzi dio EH Bilduk, eta horren harira, pertsonak askatasunean heziko dituen hezkuntza sustatu behar dela esan du, “sistema heteropatriarkalak sortzen dituen emakume eta gizonen arteko botere harremanak, eta emakume eta gizon izateko eredu bakarrak gaindituko dituena. Maskulinitate eredu hegemonikoa eraldatu behar da, gizon izateko modu alternatiboak garatu”. Eredu horren deseraikitzeak bakarrik ahalbidetuko duela emakumearen ahalduntzea gaineratu du koalizioak.
