![Santa Ageda 2013 Antxon](http://oarsoaldea.hitza.eus/site/files/2013/02/DSC_00381-e1454600489845.jpg)
Ohitura zaharrari eutsiz, gaur, Santa Ageda bezperan, koplak kantari irtengo dira pasaitarrak.
Gudarien Enparantzatik abiatuko dira, 19:00etan, San Pedro eta Trintxerpeko kaleetatik barna koplak kantari ariko direnak. Udal Euskaltegiak antolatu du gaurko zita, kultur astea ospatzen ari baitira ikasle eta irakasleek. Urtero legez, musika eskolakoak eta bertsolariak lagunduta ariko dira koplaka.
Donibanen, barrutiko kantu jirak girotuko du zita. 18:30ean abiatuko dira Meipitik, eta herria alderik alde kantari zeharkatu ondoren, Itsas Mendin elkartuko dira koplariak afaltzera.
Antxon, azkenik, 18:00etan elkartuko dira azokan, Alkartasuna dantza taldeak dinamizatuta, koplak kantatzera animatzen direnak.